"At vos, o superi, et divum tu maxime rector Juppiter, Arcadii, quaeso, miserescite regis Et patrias audite preces: si numina vestra Incolumem Pallanta mihi, si fata reseruant, Si visurus eum vivo et venturus in unum: Vitam oro, patiar quemvis durare laborem. Sin aliquem infandum casum, Fortuna, minaris, Nunc, nunc o liceat crudelem abrumpere vitam, Dum curae ambiguae, dum spes incerta futuri, Dum te, care puer, mea sola et sera voluptas, Complexu teneo, gravior neu nuntius auris Vulneret."

"O mihi praeteritos referat si Iuppiter annos."

"Arte magistra."

"Pedibus timor addidit alas."

"Pacemne huc fertis an arma?"

"Sicut aquae tremulum labris ubi lumen aenis sole repercussum aut radiantis imagine lunae omnia pervolitat late loca, iamque sub auras erigitur summique ferit laquearia tecti."

"Semperque recentis Convectare juvat praedas et vivere rapto."

"Non illa colo calathisve Minervae Femineas adsueta manus."

"Ille, velut pelagi rupes immota, resistit."

"Saevit amor ferri, et scelerata insania belli."

"Bella manu letumque gero."

"Bella viri pacemque gerent quis bella gerenda."

"Flectere si nequeo superos, Acheronta movebo."

"Hic domus, haec patria est."

"Major rerum mihi nascitur ordo; Majus opus moveo."

"Hinc exaudiri gemitus iraeque leonum."

"Sunt geminae Somni portae, quarum altera fertur Cornea, qua veris facilis datur exitus umbris, Altera candenti perfecta nitens elephanto, Sed falsa ad caelum mittunt insomnia Manes."

"Incenditque animum famae venientis amore."

"His saltem accumulem donis, et fungar inani Munere."

"Manibus date lilia plenis."

"O nate, ingentem luctum ne quaere tuorum; Ostendent terris hunc tantum fata, neque ultra Esse sinent. Nimium vobis Romana propago Visa potens, Superi, propria haec si dona fuissent. Quantos ille virum magnam Mavortis ad urbem Campus aget gemitus, vel quae, liberine, videbis Funera, cum tumulum praeterlabere recentem! Nec puer Iliaca quisquam de gente Latinos In tantum spe tollet avos, nec Romula quondam Ullo se tantum tellus iactabit alumno. Heu pietas, heu prisca fides, invictaque bello Dextera! Non illi se quisquam impune tulisset Obvius armato, seu cum pedes iret in hostem, Seu spumantis equi foderet calcaribus armos. Heu, miserande puer, si qua fata aspera rumpas, Tu Marcellus eris."

"Aspice, ut insignis spoliis Marcellus opimis Ingreditur victorque viros supereminet omnes."

"Tu regere imperio populos, Romane, memento (Hae tibi erunt artes), pacique imponere morem, Parcere subjectis et debellare superbos."

"Ne, pueri, ne tanta animis adsuescite bella Neu patriae validas in viscera vertite vires."

"Vincet amor patriae laudumque immensa cupido."

"Nunc age, Dardaniam prolem quae deinde sequatur Gloria, qui maneant Itala de gente nepotes, Inlustris animas nostrumque in nomen ituras, Expediam dictis, et te tua fata docebo."

"Has omnis, ubi mille rotam volvere per annos, Lethaeum ad fluvium deus evocat agmine magno, Scilicet immemores supera et convexa revisant Bursus et incipiant in corpora velle reverti."

"Concretam exemit labem, purumque relinquit Aetherium sensum atque aurai simplicis ignem."

"Quisque suos patimur manis."

"Principio caelum ac terras camposque liquentis Lucentemque globum Lunae Titaniaque astra Spiritus intus alit, totamque infusa per artus Mens agitat molem et magno se corpore miscet."

"Animae, quibus altera fato Corpora debentur, Lethaei ad fluminis undam Secures latices, et longa oblivia potant."

"Hic manus, ob patriam pugnando vulnera passi, Quique sacerdotes casti, dum vita manebat, Quique pii vates, et Phoebo digna locuti, Inventas aut qui vitam excoluere per artes, Quique sui memores alios fecere merendo."

"Arma, viri, ferte arma: vocat lux ultima victos. Reddite me Danais: sinite instaurata revisam Proelia; numquam omnes hodie moriemur inulti."

"Facilis iactura sepulcri."

"Sic fatus senior telumque imbelle sine ictu Coniecit, rauco quod protinus aere repulsum, Et summo clipei nequiquam umbone pependit."

"Fit via vi."

"Dis aliter visum."

"Heu nihil invitis fas quemquam fidere divis!"

"Dolus an virtus, quis in hoste requirat?"

"Adspirat primo Fortuna labori."

"Crudelis ubique Luctus, ubique pavor, et plurima mortis imago."