"Mais en infer voil jou aler. Car en infer vont li bel clerc, et li bel cevalier, qui sont mort as tornois et as rices gueres, et li buen sergant, et li franc home. Aveuc ciax voil jou aler. Et s'i vont les beles dames cortoises, que eles ont deus amis ou trois avoc leur barons. Et s'i va li ors et li argens, et li vairs. et li gris; et si i vont harpeor et jogleor; et li roi del siecle. Avoc ciax voil jou aler, mais que j'aie Nicolcte, ma trés douce amie, aveuc mi."