"For o thing, sires, saufly dar I seye, That frendes everich other moot obeye, If they wol longe holden companye. Love wol nat ben constreyned by maistrye; Whan maistrie comth, the god of love anon Beteth hise winges, and farewel! he is gon! Love is a thing as any spirit free; Wommen of kinde desiren libertee, And nat to ben constreyned as a thral; And so don men, if I soth seyen shal."