Silius Italicus

"Ordior arma, quibus caelo se gloria tollit Aeneadum, patiturque ferox Oenotria iura Carthago."

"Metui demens credebat honorem."

"Primus sumpsisse laborem."

"Ad limina sanctae contendit Fidei secretaque pectora temptat. arcanis dea laeta polo tum forte remoto caelicolum magnas uoluebat conscia curas. quam tali adloquitur Nemeae pacator honore: 'Ante Iouem generata, decus diuumque hominumque, qua sine non tellus pacem, non aequora norunt, iustitiae consors...'"

"Postquam oculos varia implevit virtutis imago, mira dehinc cernit: surgentis mole profundi injectum terris subitum mare nullaque circa litora et infuso stagnantis aequore campos. nam qua caeruleis Nereus evoluitur antris atque imo freta contorquet Neptunia fundo, proruptum exundat pelagus, caecosque relaxans Oceanus fontis torrentibus ingruit undis. tum uada, ceu saevo penitus permota tridenti, luctantur terris tumefactum imponere pontum. mox remeat gurges tractoque relabitur aestu, ac ratis erepto campis deserta profundo, et fusi transtris expectant aequora nautae. Cymothoes ea regna vagae pelagique labores Luna mouet, Luna, immissis per caerula bigis, fertque refertque fretum, sequiturque reciproca Tethys."

"Crede vigori femineo. Castum haud superat labor ullus amorem."

"Quoque magis subiere iugo atque euadere nisi erexere gradum, crescit labor. ardua supra sese aperit fessis et nascitur altera moles."

"Abscisa relincunt membra gelu, fractosque asper rigor amputat artus."

"Blandoque veneno desidiae virtus paulatim evicta senescit."

"Caeruleas Ticinus aquas et stagna uadoso perspicuus seruat turbari nescia fundo ac nitidum uiridi lente trahit amne liquorem. uix credas labi: ripis tam mitis opacis argutos inter uolucrum certamine cantus somniferam ducit lucenti gurgite lympham."

"Explorant adversa viros, perque aspera duro nititur ad laudem virtus interrita clivo."

"Pelle moras! Brevis est magni Fortuna favoris."

"Bellandum est astu; leuior laus in duce dextrae."

"Deforme sub armis vana superstitio est: dea sola in pectore Virtus bellantum viget."

"...ceu tigride cerva Hyrcana cum pressa tremit, vel territa pennas colligit accipitrem cernens in nube columba, aut dumis subit, albenti si sensit in aethra librantem nisus aquilam, lepus."

"Quantis armati caelum petiere Gigantes anguibus, aut quantus Lernae lassavit in undis Amphitryoniaden serpens, qualisque comantis auro servauit ramos Junonius anguis."

"Haud secus ac stabulis procurans otia pastor in foveam parco tectam velamine frondis ducit nocte lupos positae balatibus agnae."

"Nec tam fugisse cauendo aduersa egregium, quam perdomuisse ferendo."

"Rarae fumant felicibus arae."

"Sicut aquae splendor radiatus lampade solis dissultat per tecta uaga sub imagine uibrans luminis et tremula laquearia uerberat umbra."

"Aegris nil mouisse salus rebus."

"Non umquam spem ponit amor."

"Mantua, Musarum domus atque ad sidera cantu evecta Aonio et Smyrnaeis aemula plectris."

"Congesto laevae quodcumque avellitur auro metitur Latias victrix Carthago ruinas."

"Stat nulla diu mortalibus usquam, Fortuna titubante, fides."

"At patulo surgens iam dudum ex aequore late nauticus implebat resonantia litora clamor, et simul adductis percussa ad pectora tonsis centeno fractus spumabat verbere pontus."

"Pax optima rerum quas homini novisse datum est, pax una triumphis innumeris potior, pax custodire salutem et civis aequare potens revocetur in arcis tandem Sidonias, et fama fugetur ab urbe perfidiae, Phoenissa, tua."

"Sic, ubi perrupit stagnantem calculus undam, exiguos format per prima volumina gyros, mox tremulum uibrans motu gliscente liquorem multiplicat crebros sinuati gurgitis orbes, donec postremo laxatis circulus oris contingat geminas patulo curuamine ripas."

"Et deforme malum ac sceleri proclivis Egestas Errorque infido gressu, et Discordia gaudens permiscere fretum caelo."

"Ipsa quidem virtus sibimet pulcherrima merces; dulce tamen venit ad manis, cum gratia vitae durat apud superos nec edunt oblivia laudem."

"Subito cum pondere victus, insiliente mari, summergitur alveus undis. scuta virum cristaeque et inerti spicula ferro tutelaeque deum fluitant."

"[Virtutis] dispar habitus: frons hirta nec umquam composita mutata coma, stans vultus, et ore incessuque viro propior laetique pudoris celsa umeros niveae fulgebat stamine pallae."

"Mecum Honor ac Laudes et laeto Gloria vultu et Decus ac niveis Victoria concolor alis."

"Perpetui numquam moritura volumina Sill."

"Silius haec magni celebrat monumenta Maronis, jugera facundi qui Ciceronis habet. Heredem dominumque sui tumulive larisve non alium mallet nec Maro nec Cicero."

"Jam prope desertos cineres et sancta Maronis nomina qui coleret pauper et unus erat. Silius optatae succurrere censuit umbrae, et vates vatem non minor ipse colit."

"Scribebat carmina maiore cura quam ingenio."

"[Virgil's] birthday he celebrated with more solemnity than his own, especially at Naples, where he used to approach his tomb with as much reverence as if it had been a temple."

"Finished Silius Italicus; for which Heaven be praised! [...] Pope must have read him before me. In the 'Temple of Fame,' and the 'Essay on Criticism,' are some touches plainly suggested by Silius."