"Dum novus errat amor, vires sibi colligat usu: Si bene nutrieris, tempore firmus erit. Quem taurum metuis, vitulum mulcere solebas: Sub qua nunc recubas arbore, virga fuit: Nascitur exiguus, sed opes adquirit eundo, Quaque venit, multas accipit amnis aquas."

"Militiae species amor est."

"Cede repugnanti; cedendo victor abibis."

"Pauperibus vates ego sum, quia pauper amavi; Cum dare non possem munera, verba dabam."

"Si nec blanda satis, nec erit tibi comis amanti, Perfer et obdura: postmodo mitis erit. Flectitur obsequio curvatus ab arbore ramus: Frangis, si vires experiere tuas. Obsequio tranantur aquae: nec vincere possis Flumina, si contra, quam rapit unda, nates."

"Forma bonum fragile est."

"Ut ameris, amabilis esto."

"Intret amicitiae nomine tectus amor."

"Neque enim lex aequior ulla est, Quam necis artifices arte perire sua."

"Expedit esse deos, et, ut expedit, esse putemus."

"Iuppiter ex alto periuria ridet amantum."

"Aut non rem temptes aut perfice."

"Nocte latent mendae, vitioque ignoscitur omni, Horaque formosam quamlibet illa facit."

"Sic ego nec sine te nec tecum vivere possum."

"Spectatum veniunt, veniunt spectentur ut ipsae."

"Nitimur in vetitum semper, cupimusque negata."

"Cui peccare licet, peccat minus."

"Quod licet ingratum est. Quod non licet acrius urit."

"Aequo animo poenam, qui meruere, ferunt."

"Procul omen abesto!"

"Qui nolet fieri desidiosus, amet!"

"Militat omnis amans"

"Conscia mens recti famae mendacia risit"

"Est deus in nobis; agitante calescimus illo: impetus hic sacrae semina mentis habet."

"Tibi dextera bello utilis: ingenium est, quod eget moderamine nostro; tu vires sine mente geris, mihi cura futuri; tu pugnare potes, pugnandi tempora mecum eligit Atrides; tu tantum corpore prodes, nos animo; quantoque ratem qui temperat, anteit remigis officium, quanto dux milite maior, tantum ego te supero; nec non in corpore nostro pectora sunt potiora manu: vigor omnis in illis."

"Invia virtuti nulla est via!"

"Ego pulveris hausti ostendens cumulum, quot haberet corpora pulvis, tot mihi natales contingere vana rogavi; excidit, ut peterem iuvenes quoque protinus annos."

"Parcite, mortales, dapibus temerare nefandis corpora! sunt fruges, sunt deducentia ramos pondere poma suo tumidaeque in vitibus uvae, sunt herbae dulces, sunt quae mitescere flamma mollirique queant; nec vobis lacteus umor eripitur, nec mella thymi redolentia florem: prodiga divitias alimentaque mitia tellus suggerit atque epulas sine caede et sanguine praebet."

"Heu quantum scelus est in viscera viscera condi ingestoque avidum pinguescere corpore corpus alteriusque animans animantis vivere leto! Scilicet in tantis opibus, quas, optima matrum, terra parit, nil te nisi tristia mandere saevo vulnera dente iuvat ritusque referre Cyclopum, nec, nisi perdideris alium, placare voracis et male morati poteris ieiunia ventris!"

"Omnia mutantur, nihil interit."

"Tempus edax rerum."

"Nec species sua cuique manet, rerumque novatrix ex aliis alias reparat natura figuras: nec perit in toto quicquam, mihi credite, mundo, sed variat faciemque novat, nascique vocatur incipere esse aliud, quam quod fuit ante, morique desinere illud idem. cum sint huc forsitan illa, haec translata illuc, summa tamen omnia constant."

"Nomenque erit indelebile nostrum."

"Carmina proveniunt animo deducta sereno."