"Insruit et natum: Medioque ut limite curras, Icare, ait, moneo. Ne, si demissior ibis, Unda gravet pennas; si celsior, ignis adurat. Inter utrumque vola."

"Ille quidem est oculis quamvis formosus iniquis"

"Sunt superis sua iura"

"Supremum vale."

"Quae mea culpa tamen? Nisi si lusisse vocari culpa potest, nisi culpa potest et amasse vocari."

"Ars adeo latet arte sua."

"Nam genus et proavos et quae non fecimus ipsi, Vix ea nostra voco."

"Tibi dextera bello utilis: ingenium est, quod eget moderamine nostro; tu vires sine mente geris, mihi cura futuri; tu pugnare potes, pugnandi tempora mecum eligit Atrides; tu tantum corpore prodes, nos animo; quantoque ratem qui temperat, anteit remigis officium, quanto dux milite maior, tantum ego te supero; nec non in corpore nostro pectora sunt potiora manu: vigor omnis in illis."

"Invia virtuti nulla est via!"

"Ego pulveris hausti ostendens cumulum, quot haberet corpora pulvis, tot mihi natales contingere vana rogavi; excidit, ut peterem iuvenes quoque protinus annos."

"Parcite, mortales, dapibus temerare nefandis corpora! sunt fruges, sunt deducentia ramos pondere poma suo tumidaeque in vitibus uvae, sunt herbae dulces, sunt quae mitescere flamma mollirique queant; nec vobis lacteus umor eripitur, nec mella thymi redolentia florem: prodiga divitias alimentaque mitia tellus suggerit atque epulas sine caede et sanguine praebet."

"Heu quantum scelus est in viscera viscera condi ingestoque avidum pinguescere corpore corpus alteriusque animans animantis vivere leto! Scilicet in tantis opibus, quas, optima matrum, terra parit, nil te nisi tristia mandere saevo vulnera dente iuvat ritusque referre Cyclopum, nec, nisi perdideris alium, placare voracis et male morati poteris ieiunia ventris!"

"Omnia mutantur, nihil interit."

"Tempus edax rerum."

"Nec species sua cuique manet, rerumque novatrix ex aliis alias reparat natura figuras: nec perit in toto quicquam, mihi credite, mundo, sed variat faciemque novat, nascique vocatur incipere esse aliud, quam quod fuit ante, morique desinere illud idem. cum sint huc forsitan illa, haec translata illuc, summa tamen omnia constant."

"Nomenque erit indelebile nostrum."

"Carmina proveniunt animo deducta sereno."

"Donec eris sospes, multos numerabis amicos: tempora si fuerint nubila, solus eris."

"Horrea formicae tendunt ad inania numquam: nullus ad amissas ibit amicus opes."

"Crede mihi, bene qui latuit bene vixit, et intra Fortunam debet quisque manere suam."

"Quo quisque est maior, magis est placabilis irae, et faciles motus mens generosa capit. corpora magnanimo satis est prostrasse leoni, pugna suum finem, cum iacet hostis, habet: at lupus et turpes instant morientibus ursi et quaecumque minor nobilitate fera. maius apud Troiam forti quid habemus Achille? Dardanii lacrimas non tulit ille senis."

"Vivere me dices, sed sic ut vivere nolim"

"Estque pati poenam quam meruisse minus."

"Res est solliciti plena timoris amor."

"Turpe quidem dictu, sed, si modo vera fatemur, vulgus amicitias utilitate probat."

"Nec facile invenias multis in milibus unum, virtutem pretium qui putet esse sui. ipse decor, recte facti si praemia desint, non movet, et gratis paenitet esse probum. nil nisi quod prodest carum est."

"Adde quod ingenuas didicisse fideliter artes emollit mores nec sinit esse feros."

"Laeta fere laetus cecini, cano tristia tristis."

"The fittest for my wound, Who best the gentle passions knows to move; Ovid, the soft philosopher of love: His Love Epistles for my friends I chose; For there I found the kindred of my woes."

"One often hears: that is good but it belongs to yesterday. But I say: yesterday has not yet been born. It has not yet really existed. I want Ovid, Pushkin, and Catullus to live once more, and I am not satisfied with the historical Ovid, Pushkin, and Catullus."

"Here are only numbers ratified; but, for the elegancy, facility, and golden cadence of poesy, caret. Ovidius Naso was the man: and why, indeed, Naso, but for smelling out the odoriferous flowers of fancy, the jerks of invention?"

"To my fancy, the first poet of all antiquity."

"Difficile est, fateor, sed tendit in ardua virtus et talis meriti gratia maior erit."

"Iam seges est ubi Troia fuit."

"Tarde quae credita laedunt credimus."

"Exitus acta probat."

"Abeunt studia in mores."

"Siquis amat quod amare iuvat, feliciter ardens Gaudeat, et vento naviget ille suo. At siquis male fert indignae regna puellae, Ne pereat, nostrae sentiat artis opem."

"Principiis obsta; sero medicina paratur Cum mala per longas convaluere moras."

"Qui finem quaeris amoris, Cedit amor rebus; res age, tutus eris."

"Di pia facta vident."

"Est deus in nobis; agitante calescimus illo: impetus hic sacrae semina mentis habet."

"Conscia mens recti famae mendacia risit"

"Militat omnis amans"

"Qui nolet fieri desidiosus, amet!"