Lucan

"Bella...plus quam civilia."

"Iusque datum sceleri."

"Nulli penitus descendere ferro contigit; alta sedent civilis volnera dextrae."

"Invida fatorum series summisque negatum stare diu nimioque graves sub pondere lapsus nec se Roma ferens."

"In se magna ruunt: laetis hunc numina rebus crescendi posuere modum."

"Nulla fides regni sociis, omnisque potestas inpatiens consortis erit."

"Concordia discors."

"Quis iustius induit arma scire nefas: magno se iudice quisque tuetur; Victrix causa deis placuit sed victa Catoni."

"Stat magni nominis umbra."

"Sed non in Caesare tantum nomen erat nec fama ducis, sed nescia virtus stare loco, solusque pudor non vincere bello."

"Fecunda virorum paupertas fugitur totoque accersitur orbe quo gens quaeque perit."

"Mensuraque juris vis erat."

"Postquam leges bello siluere coactae pellimur e patriis laribus patimurque volentes exilium."

"Tolle moras: semper nocuit differre paratis."

"Arma tenenti omnia dat, qui justa negat."

"Vos quoque qui fortes animas, belloque peremptas Laudibus in longum vates dimittitis aevum, Plurima securi fudistis carmina, Bardi."

"Longae...vitae Mors media est."

"Vana quoque ad veros accessit fama timores."

"Sic quisque pavendo dat vires famae, nulloque auctore malorum quae finxere timent."

"O faciles dare summa deos eademque tueri difficiles!"

"Sit caeca futuri mens hominum fati; liceat sperare timenti."

"Sed quo fata trahunt virtus secura sequetur. Crimen erit superis et me fecisse nocentem."

"Hi mores, haec duri inmota Catonis secta fuit, servare modum finemque tenere naturamque sequi patriaeque inpendere vitam nec sibi sed toti genitum se credere mundo."

"Non tam portas intrare patentis quam fregisse juvat."

"Sed Caesar in omnia praeceps, nil actum credens, cum quid superesset agendum."

"Aut nihil est sensus animis a morte relictum aut mors ipsa nihil."

"Usque adeo solus ferrum mortemque timere auri nescit amor."

"Non sibi sed domino grauis est quae seruit egestas."

"Phoenices primi, famae si creditur, ausi mansuram rudibus vocem signasse figuris. nondum flumineas Memphis contexere biblos noverat: et saxis tantum volucresque feraeque sculptaque servabant magicas animalia linguas."

"Jamque comes semper magnorum prima malorum saeva fames aderat."

"Discite, quam parvo liceat producere vitam, Et quantum natura petat."

"Vita brevis nulli superest qui tempus in illa quaerendae sibi mortis habet."

"Ignorantque datos, ne quisquam seruiat, enses."

"Audendo magnus tegitur timor."

"Nec tantum prodere vati quantum scire licet."

"Quidquid multis peccatur inultum est."

"Facinus quos inquinat aequat."

"O vitae tuta facultas pauperis angustique lares! o munera nondum intellecta deum!"

"Cum tot in hac anima populorum vita salusque pendeat et tantus caput hoc sibi fecerit orbis, saevitia est voluisse mori."

"A prima descendit origine mundi causarum series."

"Multos in summa pericula misit venturi timor ipse mali. Fortissimus ille est qui, promptus metuenda pati, si comminus instent, et differre potest."

"Nil opus est uotis, iam fatum accersite ferro. in manibus uestris, quantus sit Caesar, habetis."

"Et primo ferri motu prosternite mundum; sitque palam, quas tot duxit Pompeius in urbem curribus, unius gentes non esse triumphi."

"Libertas ultima mundi quo steterit ferienda loco."

"Plus est quam vita salusque quod perit: in totum mundi prosternimur aevum."

"Coniunx est mihi, sunt nati; dedimus tot pignora fatis."

"Libera fortunae mors est; capit omnia tellus quae genuit; caelo tegitur qui non habet urnam."

"Vivit post proelia Magnus sed fortuna perit."

"Quod defles, illud amasti."

"Dat poenas laudata fides, cum sustinet inquit quos fortuna premit."