"Þe þryddë synnë ys þe werst, Þe clerk[es] calleþ hyt ‘yncest,’ Whan men take kyn yn felawrede, And wyþ hem doþ flesshëly dede; Þe ner[ë] syb she ys hys kynde, Þe morë plyȝt shal he þere fynde. Or ȝyf he with a woman synne, Þat sum of hys kyn haþ endyd ynne, Þat ys to sey, haþ ley here by, Þe more plyȝt ys þat lecchery; Þus hyt seyþ yn þe decre, He calleþ hyt an ‘affynyte’; Affynyte hyt makeþ alle an ende, Hys blode þarto no more may wende."