"śaśāṅke kutaḥ śyāmatā jātā । pṛcchati jananīmatikutūhalādbālastribhuvanatrātā ॥ kṛṣṇamṛgastava śarabhayādvidhuṃ yāto naitanmātaḥ । kapaṭamṛgaṃ praṇihanmi nāparaṃ tasya vimohakhyātaḥ ॥ daśamukhabhayādbhuvo yātā yā vidhuṃ śyāmatā dṛṣṭā । kathaṃ rāhubhītoऽsau pāyānmahī mūḍhatāspṛṣṭā ॥ tvamatha vīkṣya candramasaṃ nijadayitānanarūpasamānam । śaśini gato śyāmaḥ kila dṛṣṭaḥ kartuṃ tadadharapānam ॥ nahi mātaḥ pīye tava stanaṃ śrutvā manujendrāṇī । sasmitamukhī vismitā jātā cakitā giridharavāṇī ॥"