"And Men seye in theise Contrees, that Philosophres som tyme wenten upon theise Hilles, and helden to here Nose a Spounge moysted with Watre, for to have Eyr; for the Eyr above was so drye. And aboven, in the Dust and in the Powder of tho Hilles, thei wroot Lettres and Figures with hire Fingres: and at the zeres end thei comen azen, and founden the same Lettres and Figures, the whiche thei hadde writen the zeer before, withouten ony defaute."