"Þa the suikes undergæton ðæt he milde man was ⁊ softe ⁊ god. ⁊ na iustise ne dide. þa diden hi alle wunder…For æuric riceman his castles makede ⁊ agænes him heolden. ⁊ fylden þe land ful of castles. Hi suencten suyðe þe uurecce men of þe land mid castelweorces þa þe castles uuaren maked þa fylden hi mid deoules ⁊ yuele men. Þa namen hi þa men þe hi wenden ðæt ani god hefden. bathe be nihtes ⁊ be dæies. carlmen ⁊ wimmen. ⁊ diden heom in prisun efter gold ⁊ syluer. ⁊ pined heom. untellendlice pining."