"Were beth they biforen us weren, Houndës ladden and hauekës beren, And hadden feld and wodë? The richë levedies in hoerë bour, That wereden gold in hoerë tressour, With hoerë brighttë rodë;Eten and drounken, and maden hem glad; Hoere lif was al with gamen i-lad, Men kneleden hem biforen; They beren hem wel swithë heyë; And in a twincling of an eyë Hoere soulës weren forloren."