"An hounde is trewe to his lord or to his maystere and of good love or verrey, an hounde is of greet undirstondyng and of greet knowynge, a hound [is of] greet strength and grete bounte, an hounde is a wise beest and a kynde, an hounde hath greet mynde and greet smellyng, an hounde hath grete bisynesse and greet myght, an hounde is of greet wurthynes and of greet sotilte, a hound [is of greet] lightnesse and of greet pur[s]ueaunce, an hounde is of good obeysaunce, for he wil lerne as a man al that a man wil teche hym, a hounde is ful of good sport."