"Duos cum haberet Demea adulescentulos, dat Micioni fratri adoptandum Aeschinum, sed Ctesiphonem retinet. hune citharistriae lepore captum sub duro ac tristi patre frater celabat Aeschinus; famam rei, amorem in sese transferebat; denique fidicinam lenoni eripit. vitiaverat idem Aeschinus civem Atticam pauperculam fidemque dederat hanc sibi uxorem fore. Demea iurgare, graviter ferre; mox tamen ut veritas patefactast, ducit Aeschinus vitiatam, potitur Ctesipho citharistriam."