Luxorius (poet)

"Priscos cum haberes, quos probares, indices, lector, placere qui bonis possent modis, nostri libelli cur retexis paginam nugis refertam friuolisque sensibus, et quam tenello tiro lusi uiscere? set forte doctis si illa cara est auribus sonat pusilli quae leporis commate nullo decora in ambitu sententiae, hanc iure quaeris et libenter incohas, uelut iocosa si theatra peruoles."

"Hortus, quo faciles fluunt Napaeae, quo ludunt Dryades choro uirente, quo fouet teneras Diana Nymphas; quo Venus roseos recondit artus, quo fessus teretes Cupido flammas suspensis reficit puer pharetris, quo ferunt se Heliconides puellae; cui numquam minus est amoena frondis, cui semper redolent amoma uerni, cui fons perspicuis tener fluentis muscoso riguus salit meatu, quo dulcis auium canor resultans quidquid per Tyrias refertur urbis, hoc uno famulans loco subaptat."

"Hanc puto de proprio tinxit Sol aureus ortu aut unum ex radiis maluit esse suis; uel, si etiam centum foliis rosa Cypridis exstat, fluxit in hanc omni sanguine tota Venus. haec florum sidus, haec Lucifer almus in agris, huic odor et color est dignus honore poli."

"Igne salutifero Veneris puer omnia flammans pro facibus facilis arte ministrat aquas."

"Paruus nobilium cum liber ad domos pomposique fori scrinia publica cinctus multifido ueneris agmine, nostri defugiens pauperiem laris, quo dudum modico sordidus angulo squalebas, tineis iam prope debitus, si te despiciet turba legentium inter Romulidas et Tyrias manus, isto pro exesequiis claudere disticho: contentos propriis esse decet focis, quos laudis facile est inuidiam pati."

"Alexander Riese, ed. Anthologia Latina, vol. 1 (1869), nos. 288, 332, 366, 289"

"H. W. Garrod, ed. The Oxford Book of Latin Verse (1912), nos. 379–383"

"Morris Rosenblum, ed. Luxorius: A Latin Poet among the Vandals (1961) — translation"

"Heinz Happ, ed. Luxurius, vol. 1 (Stuttgart, 1986) — critical edition"