Valerius Flaccus (poet)

"Prima deum magnis canimus freta pervia natis fatidicamque ratem, Scythici quae Phasidis oras ausa sequi mediosque inter iuga concita cursus rumpere flammifero tandem consedit Olympo."

"Tela puer facilesque umeris gaudentibus arcus gestat Hylas."

"Phoebeius Idmon, ... cui genitor tribuit monitu praenoscere divum omina, seu flammas seu lubrica comminus exta seu plenum certis interroget aera pinnis."

"Et dedit aequoreos caelo duce tendere cursus."

"Siderea tunc arce pater pulcherrima Graium coepta tuens tantamque operis consurgere molem laetatur."

"Auxerat hora metus, iam se vertentis Olympi ut faciem raptosque simul montesque locosque ex oculis circumque graves videre tenebras. ipsa quies rerum mundique silentia terrent astraque et effusis stellatus crinibus aether; ac velut ignota captus regione viarum noctivagum qui carpit iter non aure quiescit, non oculis, noctisque metus niger auget utrimque campus et occurrens umbris maioribus arbor, haud aliter trepidare viri."

"Vates Phoebo dilecta Polyxo."

"I, memor i terrae, quae vos amplexa quieto prima sinu, refer et domitis a Colchidos oris vela per hunc utero quem linquis Iasona nostro."

"Hactenus in populos vati, Samothraca, diem que missa mane sacrisque metum servemus opertis."

"Ad primos turgentia lumina fletus."

"Stagna vaga sic luce micant ubi Cynthia caelo prospicit aut medii transit rota candida Phoebi, tale iubar diffundit aquis: nil umbra comaeque turbavitque sonus surgentis ad oscula nymphae. illa avidas iniecta manus heu sera cientem auxilia et magni referentem nomen amici detrahit, adiutae prono nam pondere vires."

"Fata trahunt."

"Hic vero ingenti repetuntur pectora luctu, ut socii sedere locis nullaeque leonis exuviae tantique vacant vestigia transtri. flet pius Aeacides, maerent Poeantia corda, ingemit et dulci frater cum Castore Pollux. omnis adhuc vocat Alciden fugiente carina, omnis Hylan, medio pereunt iam nomina ponto."

"Melior vulgi nam saepe voluntas."

"Sonitu tremebunda profundi."

"Dixit et urgentis post saeva piacula fati nescius extremum hoc armis innectere palmas dat famulis."

"Spumanti qualis in alto Pliade capta ratis, trepidi quam sola magistri cura tenet, rapidum ventis certantibus aequor intemerata secat, Pollux sic providus ictus servat."

"Nullus adempti regis amor: montem celeres silvamque capessunt."

"Fallere quas nusquam misero locus."

"Diripiunt verruntque dapes foedataque turbant pocula, saevit odor surgitque miserrima pugna parque mihi monstrisque fames. sprevere quod omnes pollueruntque manu quodque unguibus excidit atris has mihi fert in luce moras."

"Unda laborantes praeceps rotat."

"Effluit imber spumeus et magno puppem procul aequore vestit."

"Illa volans tenui per concita saxa luce fugit."

"Hic Iuno praecepsque ex aethere Pallas insiliunt pariter scopulos: hunc nata coercet, hunc coniunx Iovis."

"Haud temere est, fato divum reor ad mea vectos litora vos."

"Dicta dabant ventis nec debita fata movebant."

"Percutit ore lyram nomenque relinquit harenis."

"Blandos que Iovis quae luserat ignes caelicolis immota procis: deceptus amatae fraude deae nec solus Halys nec solus Apollo."

"At Iuno et summi virgo Iovis intima secum consilia et varias sociabant pectore curas."

"Rebus semper pudor absit in artis."

"Et Scythicam qui se comitentur ad urbem sorte petit numeroque novem ducuntur ab omni."

"Talibus orantem vultu gravis ille minaci iamdudum premit et furiis ignescit opertis."

"Velut ante comas ac summa cacumina silvae lenibus adludit flabris levis Auster, at illum protinus immanem miserae sensere carinae."

"Nox simul astriferas profert optabilis umbras."

"Respexit que fores et adhuc invenit euntem, visus et heu miserae tunc pulchrior hospes amanti discedens; tales umeros, ea terga relinquit."

"Quid me autem sic ille movet, superetne labores an cadat?"

"Saepe suas misero promittere destinat artes, denegat atque una potius decernit in ira ac neque tam turpi cessuram semet amori proclamat."

"Tune sequeris' ait 'quidquam aut patiere pudendum cum tibi tot mortes scelerisque brevissima tanti effugia?"

"Et, qua sibi fida magis vis nulla, Prometheae florem de sanguine fibrae promit nutritaque gramina monti, quae sacer ille nives inter tristesque pruinas durat alitque cruor."

"Gemit inritus ille Colchidos ora tuens. totos tunc contrahit artus monte dolor cunctaeque tremunt sub falce catenae."

"Haud secus in mediis noctis nemoris que tenebris inciderant ambo attoniti iuxtaque subibant abietibus tacitis aut immotis cyparissis adsimiles, rapidus nondum quas miscuit Auster."

"Nec quibus incipiat demens videt ordine nec quo quove tenus, prima cupiens effundere voce omnia, sed nec prima pudor dat verba timenti."

"Tum vero extremo percussa dolore arripit Aesoniden dextra ac summissa profatur: 'sis memor, oro, mei, contra memor ipsa manebo, crede, tui. quantum hinc aberis, dic quaeso, profundi? quod caeli spectabo latus?"

"Cessit et ad socios paulum se rettulit heros opperiens."

"At trepidam in thalamis et iam sua facta paventem Colchida circa omnes pariter furiaeque minaeque patris habent."

"Latmius aestiva residet venator in umbra dignus amore deae, velatis cornibus et iam Luna venit."

"Ecce autem pavidae virgo de more columbae quae super ingenti circumdata praepetis umbra in quemcumque tremens hominem cadit, haud secus illa acta timore gravi mediam se misit."

"Contra Tartareis Colchis spumare venenis cunctaque Lethaei quassare silentia rami perstat et adverso luctantia lumina cantu obruit atque omnem linguaque manuque fatigat vim Stygiam."

"Iamque altae cecidere iubae nutatque coactum iam caput atque ingens extra sua vellera cervix ceu refluens Padus aut septem proiectus in amnes Nilus et Hesperium veniens Alpheos in orbem."

"Cuius adhuc rutilam servabant bracchia pellem, nubibus accensis similem aut cum veste recincta labitur ardenti Thaumantias obvia Phoebo."