Titus Calpurnius Siculus

"Aurea secura cum pace renascitur aetas et redit ad terras tandem squalore situque alma Themis positi iuvenemque beata sequuntur saecula, maternis causam qui vicit Iulis. dum populos deus ipse reget, dabit impia victas post tergum Bellona manus spoliataque telis in sua vesanos torquebit viscera morsus et, modo quae toto civilia distulit orbe, secum bella geret: nullos iam Roma Philippos deflebit, nullos ducet captiva triumphos; omnia Tartareo subigentur carcere bella immergentque caput tenebris lucemque timebunt."

"——— Satis hoc mercedis habeto, si laudem victor, si fert opprobria victus."

"Este pares et ob hoc concordes vivite; nam vos et decor et cantus et amor sociavit et aetas."

"Mobilior ventis o femina!"

"Te sine, vae misero, mihi lilia nigra videntur nec sapiunt fontes et acescunt vina bibenti."

"Credere pastores, levibus nolite puellis."

"Candidus alter erat levique decentior ovo et ridens oculis crinemque simillimus auro."