Æthelweard (historian)

"Quippe de Saxonia quæ nunc uulgo Ealdsexe nuncupatur, id est 'Saxonia uetus', uenere tribus, quæ apud Anglos modo ita dicuntur, Eastsexan, et Suthsexan, et Westsexan...Anglia igitur de prouincia uenere iuxta Orientales Angli, Medii Angli, Mercii quoque, et tota gens Northanhymbrorum. Porro Anglia uetus sita est inter Saxones et Giotos, habens oppidum capitale, quod sermone Saxonico Slesuuic nuncupatur, secundum uero Danos, Haithaby. Ideoque Brittannia nunc Anglia appellatur, assumens nomen uictorum. Præfati enim duces eorum inde uenerunt Brittanniam primi: hoc est Hengest et Horsa filii Vuyhtelsi, auus eorum Vuicta, et proauus eorum Vuithar, atauus quidem eorum Vuothen, qui et rex multitudinis barbarorum. In tanta etenim seductione oppressi aquilonales increduli ut deum colunt usque in hodiernam diem, viz. Dani, Northmanni quoque, et Sueui...In tanta ergo fuisse perhibetur supra dictarum illa aduec-tio crescens, et nimium, ut et incolarum paulatim et habitationis nomen aboleuisset, qui cum muneribus eos traxere quondam gentium repentinæ. Magis stipendia poscunt; renuunt Brittanni; mouent arma; fit discordia nimis, et, ut ante præfati sumus, a finibus eos pellunt in arcta promontoria quædam, et ipsi possessores a mare ad mare usque in præsentem diem existunt. In nono etiam anno post euersionem Romæ a Gothis, relicti qui erant in Brittannia Romana ex gente, multiplices non ferentes gentium minas, scrobibus occultant thesau-rum, aliquam sibi futuram existimantes fortunam, quod illis post non accidit. Partem sumunt, in unda gregan-tur, dant uentum carinis, exules Gallias tenent partes."