Roman de la Rose

"Maintes genz dient que en songes N'a se fables non e mençonges; Mais l'en puet teus songes songier Qui ne sont mie mençongier, Ainz sont après bien aparani; Si en puis bien traire a garant Un auctor qui ot non Macrobes, Qui ne tint pas songes a lobes, Ançois escrist l'avision Qui avint au roi Scipion. Quiconques cuide ne qui die Que soit folor e musardie De croire que songes aveigne, Qui ce voudra, por fol m'en teigne; Car endroit moi ai je fiance Que songes est senefiance Des biens as genz e des enuiz; Car li plusor songent de nuiz Maintes choses covertement Que l'en voit puis apertement."

"Ou vintieme an de mon aage, Ou point qu'Amors prent le paage Des juenes genz, couchiez m'estoie Une nuit, si con je soloie, E me dormoie mout forment; Si vi un songe en mon dormant Qui mout fu biaus e mout me plot; Mais en cel songe onques rien n'ot Qui trestot avenu ne soit Si con li songes recensoit. Or vueil cel songe rimeier, Por voz cuers plus faire esgaier, Qu'Amors le me prie e comande. E se nus ne nule demande Coment je vueil que ïi romanz Soit apelez que je comenz, Ce est li Romanz de la Rose, Ou l'Art d'Amors est toute enclose. La matire en est bone e nueve; Or doint Deus qu'en gré le reçueve Cele por cui je l'ai empris; C'est cele qui tant a de pris E tant est dine d'astre amee Qu'el doit estre Rose clamee."

"Li Tens qui s'en vait nuir e jor, Senz repos prendre e senz sejor, E qui de nos se part e emble Si celeement qu'il nos semble Qu'il s'arest adès en un point, E il ne s'i areste point, Ainz ne fine de trespasser, Que l'en ne puet neïs penser Queus tens ce est qui est presenz, Sel demandez as clers lisanz; Car ainz que l'en l'eüst pensé Seroient ja troi tens passé."

"Entre ces boutons en eslui Un si trés bel qu'envers celui Nul des autres rien ne prisai, Puis que je l'oi bien avisé, Car une color l'enlumine Qui est si vermeille e si fine Con Nature la pot plus faire. De fueilles i ot quatre paire, Que Nature par grant maistire I ot assises tire a tire; La queue est droite come jons, E par desus siet li boutons Si qu'il ne cline ne ne pent. L'odor de lui entor s'espant: La soatume qui en ist Toute la place replenist. E quant jou senti si flairier, Je n'oi talent de repairier, Ainz m'aprochasse por le prendre, Se j'i osasse la main tendre."

"Li deus d'Amors lors m'encharja, Tot ensi con vos orroiz ja, Mot a mot ses comandemenz: Bien les devise cist romanz. Qui amer viaut or i entende, Que li romanz des or amende; Des or le fait bon escouter, S'il est qui le sache conter, Car la fin dou songe est mout bele E la matire en est novele; Qui dou songe la fin orra, Je vos di bien que il porra Des jeus d'Amors assez aprendre, Por quoi il vueille tant atendre Que j'espoigne e que j'enromance Dou songe la senefiance: La verité, qui est coverte, Vos sera lores toute aperte Quant espondre m'orroiz le songe, Car il n'i a mot de mençonge."

"Grands biens ne vient pas en poi d'ore; II y con vient poine et demore."

"Grant joie en ton cuer demenras De la biauté que tu verras; Et saches que du regarder Feras ton cuer frire et larder, Et tout adès en regardant Aviveras le feu ardant. Qui ce qu'il aime plus regarde, Plus alume son cuer et l'arde; Cil art, alume et fait flamer Le feu qui les gens fait amer."

"Lors feras chatiaus en Espaigne."

"Et plus en gré sont recéu Li biens dont l'en a mal éu."

"Si con j'oi la rose apressiee, Un poi la trovai engroissiee, E vi qu'ele estoit puis creüe Que je ne l'oi de près veüe; La rose auques s'eslargissoit Par amont; si m'abelissoit Ce qu'el n'iere pas si overte Que la graine fust descoverte; Ançois estoit encore enclose Entre les fueilles de la rose, Qui amont droites se levoient E la place dedenz emploient, Si ne pooit paroir la graine, Por la rose qui estoit pleine. Ele fu, Deus la beneïe, Assez plus bele espaneïe Qu'el n'iere avant e plus vermeille."

"Que l’en ne puet fere espervier En nule guise d’ung busart."

"S'ele est cortoise et debonnaire? El n'est de nulle riens certaine, Ains met les amans en grant paine, Et se fait d'aus dame et mestresse, Mains en déçoit par sa promesse."

"Car ausinc bien sunt amoretes Sous buriaus comme sous brunetes."

"Tous jors aime qui est amis."

"Car par l'escript que nous avons, Les fais des anciens savons; Si les en devons mercier, Et loer et regracier."

"Et sans fol ne puet nus hons vivre, Tant cum il voille Amor ensivre."

"Mès nature ne puet mentir."

"C’est chose qui moult me deplaist, Quand poule parle et coq se taist."

"The greatest of all the medieval romances."

"The Roman de la Rose, or Romance of the Rose tells a lengthy tale of a wistful young lover who tries to win his lady's love and prove his worthiness at the same time whilst being sad about it a lot. [...] There are a few beautifully illuminated manuscripts which show the hapless lover attempting to overcome obstacles to get to the object of his affection. He first needs to get past a number of virtues and vices personified who either attempt to help or hinder him. [...] The final scene has our hero describing an amazing array of euphemisms for deflowering a virgin. The Lover reaches the tower, but the gate is closed and needs him to push his key in the lock. The entry is too narrow. Images sometimes show twin towers with a very narrow door between them which suggest the legs of a lady and her opening between. Early on in the story, we see that Nature had given the Lover a staff which he polished in the hope of using it shortly."