Quintus Curtius Rufus

"Causa paupertatis plerisque probitas est."

"Ad deteriora credenda proni metu."

"Efficacior omni arte imminens necessitas."

"Ubi explorari vera non possunt, falsa per metum augentur."

"Sæpe calamitas solatium est nosse sortem suam."

"Nihil potest esse diuturnum cui non subest ratio."

"Breves et mutabiles vices rerum sunt, et fortuna nunquam simpliciter indulget."

"Ubi intravit animos pavor, id solum metuunt, quod primum formidare cœperunt."

"Consuetudo natura potentior est."

"Sed medici quoque graviores morbos asperis remediis curant, et gubernator, ubi nafraugium timet, iactura quidquid servari potest redimit."

"Equidem æterna constitutione crediderim nexuque causarum latentium et multo ante destinatarum suum quemque ordinem immutabili lege percurrere."

"Sicut in corporibus aegris, milites, nihil quod nociturum est medici relinquunt, sic nos quidquid obstat imperio recidamus. Parva sæpe scintilla contempta magnum excitavit incendium. Nil tuto in hoste despicitur; quem spreveris, valentiorem neglentia facias."

"Patria est ubicumque vir fortis sedem elegerit."

"Altissima quæque flumina minimo sono labuntur."

"Canis timidus vehementius latrat quam mordet."

"Stultus est qui fructus magnarum arborum spectat, altitudinem non metitur."

"Nihil tam alte natura constituit quo virtus non possit eniti."

"Non est diuturna possessio in quam gladio ducimus; beneficiorum gratia sempiterna est."

"Desperatio magnum ad honeste moriendum incitamentum."

"Sed in tumultu festinatio quoque tarda est"

"Equidem plura transcribo quam credo; nam nec affirmare sustineo de quibus dubito, nec subducere quae accepi."

"Numquam ad liquidum fama perducitur; omnia illa tradente maiora sunt vero. Nostra quoque gloria, cum sit ex solido, plus tamen habet nominis quam operis."

"Res secundæ valent commutare naturam, et raro quisquam erga bona sua satis cautus est."