Gaius Lucilius

"O curas hominum! O quantum est in rebus inane!"

"Vivite lurcones, comedones, vivite ventris!"

"Ut pueri infantes credunt signa omnia aena vivere et esse homines, sic isti somnia ficta vera putant, credunt signis cor inesse in aenis. Pergula pictorum, veri nil, omnia ficta."

"Aurum vis hominemne? Habeas. "Hominem? quid ad aurum?""

"Publicanus vero ut Asiae fiam, ut scripturarius pro Lucilio, id ego nolo et uno hoc non muto omnia."

"Homini amico et familiari non est mentiri meum."

"Ut Romanus populus victus vei, superatus proeliis saepe est multis, bello vero numquam, in quo sunt omnia."

"Hunc laborem sumas laudem qui tibi ac fructum ferat."

"Paulo hoc melius quam mediocre, hoc minus malum quam ut pessumum."

"Cupiditas ex homine cupido ex stulto numquam tollitur."

"Accipiunt leges, populus quibus legibus exlex."

"Nunc vero a mani ad noctem festo atque profesto totus item pariterque die populusque patresque iactare indu foro se omnes, decedere nusquam; uni se atque eidem studio omnes dedere et arti— verba dare ut caute possint, pugnare dolose, blanditia certare, bonum simulare virum se, insidias facere ut si hostes sint omnibus omnes."

"Quo fit ut omnis Votiva pateat veluti descripta tabella Vita senis."

"Ense velut stricto quotiens Lucilius ardens infremuit, rubet auditor cui frigida mens est criminibus, tacita sudant praecordia culpa."

"Secuit Lucilius urbem, te Lupe, te Muci, et genuinum fregit in illis; omne vafer vitium ridenti Flaccus amico tangit et admissus circum praecordia ludit, callidus excusso populum suspendere naso."