8 quotes found
"I am gracyus and grete, God withoutyn begynnyng, I am maker unmade, all mighte es in me; I am lyfe and way unto welth-wynnyng, I am formaste and fyrste, als I byd sall it be."
"O, what I am fetys and fayre and fygured full fytt! The forme of all fayrehede apon me es feste, All welth in my weelde es, I wote be my wytte; The bemes of my brighthede are bygged with the beste. My schewyng es schemerande and schynande, So bygly to blys am I broghte; Me nedes for to noy me righte noghte, Here sall never payne me be pynande."
"Owe, certes, what I am worthely wroghte with wyrschip, iwys! For in a glorius gle my gleteryng it glemes; I am so mightyly made my mirth may noghte mys- Ay sall I byde in this blys thorowe brightnes of bemes. Me nedes noghte of noy for to neven, All welth in my welde have I weledande; Abowne yohit sall I be beeldand, On heghte in the hyeste of hewuen."
"I sall be lyke unto hym that es hyeste on heghte. Owe, what I am derworth and defte-Owe! Dewes! All goes downe! My mighte and my mayne es all marrande- Helpe, felawes! In faythe I am fallande."
"Nowe in my sawle grete joie have I, I am all cladde in comforte clere, Now will be borne of my body Both God and man togedir in feere."
"Hayle my lord God, hayle prince of pees, Hayle my fadir, and hayle my sone; Hayle sovereyne sege all synnes to sesse, Hayle God and man in erth to wonne. Hayle, thurgh whos myht All this worlde was first begonne, Merknes and light."
"Thus schall the sothe be bought and solde And treasoune schall for trewthe be tolde."
"This woffull worlde is brought till ende, Mi fadir of heuene he woll it be; Therfore till erthe nowe will I wende Miselve to sitte in magesté. To deme my domes I woll descende; This body will I bere with me – Howe it was dight, mannes mys to mende, All mankynde there schall it see."